點心到 MIX·大排檔

Open Now

Now Closed

成日經過呢間餐廳都見到好多人排隊，今日比較早放工，竟然唔使排隊，咁就一於嚟試吓啦。本身以為呢度淨係食點心，原來夜晚都有好多小菜，因為今日好肚餓，所以選擇食小菜啦。見到隔籬枱食緊呢個百香果鮑魚好吸引，而且價錢好平，咁就叫咗嚟試奶。估唔到百香果同鮑魚原來咁夾，鮑魚嘅鮮味同百香果嘅果香承諾好襯，而且鮑魚好新鮮同大隻，非常推薦大家試吓。呢個野菌豆腐都好出色，除咗賣相靚之外，食落都好清新，豆腐有種健康嘅感覺，越食越開胃。另外我哋仲叫咗西芹炒帶子，估唔到佢嘅帶子咁大隻，而且食落好新鮮，感覺唔係雪藏帶子，佢嘅醬汁有少少黑松露味，非常送飯。呢間餐廳除咗點心好食之外，原來小菜都咁好食，價錢仲好平，唔怪得咁多客人啦，非常推薦大家嚟試吓。