Video
Read full review
2020-12-20
4264 views
❀ ÉPURE #尖沙咀 ❀❗️超靚米芝連一星法國餐廳 主菜甜品水準極高❗️——————————————————位於海港城嘅Epure，屬於經典法國品牌Dalloyau旗下，由2017年起榮獲米芝連一星法國餐廳🌟最出名莫過於佢哋嘅疏乎厘，但估唔到連主菜都非常出色🤩另外要大讚佢哋嘅裝修，係由得獎設計師悉心打造，內裏模仿法國最出名嘅國王路易十六嘅狩獵行宮，牆上畫滿咗精美嘅森林動物，俾人一種脫俗嘅優雅☺️甚至比四季酒店內嘅三星Caprice更得我心。另外佢哋仲有個好大嘅室外位置，比客人望住維港景色嘆番杯🥂。.今次又係透過DiningCity既優惠預約(呢個app定期會從多間著名餐廳搞優惠)✨唔使$500就享用到午市五道菜！餐廳採用法國最時令嘅食材，會按照季節轉換餐單。.✷𝑀𝑒𝓃𝓊✷DiningCity WE LOVE DINING 百強熱選 lunch set $438☞ Bread🥐分別有傳統法包同黑椒牛角包。佢哋嘅黑椒牛角包非常特別，並非一般咁酥化，相反係有韌性，但咀嚼下黑椒味更加突出，幾特別！另外要大讚佢哋個燕麥法國牛油🧈真係極之香，再加少少燕麥粒係入面，令到麵包口感更加豐富。.☞ il a
❗️超靚米芝連一星法國餐廳 主菜甜品水準極高❗️
——————————————————
位於海港城嘅Epure，屬於經典法國品牌Dalloyau旗下，由2017年起榮獲米芝連一星法國餐廳🌟最出名莫過於佢哋嘅疏乎厘，但估唔到連主菜都非常出色🤩另外要大讚佢哋嘅裝修，係由得獎設計師悉心打造，內裏模仿法國最出名嘅國王路易十六嘅狩獵行宮，牆上畫滿咗精美嘅森林動物，俾人一種脫俗嘅優雅☺️甚至比四季酒店內嘅三星Caprice更得我心。另外佢哋仲有個好大嘅室外位置，比客人望住維港景色嘆番杯🥂。
.
今次又係透過DiningCity既優惠預約(呢個app定期會從多間著名餐廳搞優惠)✨唔使$500就享用到午市五道菜！餐廳採用法國最時令嘅食材，會按照季節轉換餐單。
.
✷𝑀𝑒𝓃𝓊✷
DiningCity WE LOVE DINING 百強熱選 lunch set $438
☞ Bread🥐
分別有傳統法包同黑椒牛角包。
佢哋嘅黑椒牛角包非常特別，並非一般咁酥化，相反係有韌性，但咀嚼下黑椒味更加突出，幾特別！
另外要大讚佢哋個燕麥法國牛油🧈真係極之香，再加少少燕麥粒係入面，令到麵包口感更加豐富。
Bread
126 views
0 likes
0 comments
.
☞ il a un coeur 菊芋 蘋果🍎
爽口嘅芹菜粒喺底，佢想冰涼清新嘅蘋果sorbet☺️表面再加上香脆嘅法式餅，超級開胃嘅前菜。
il a un coeur 菊芋 蘋果
175 views
0 likes
0 comments
.
☞ c’est une blonde 生牛肉他他🐮
用上和牛及法國牛製成嘅他他，再配上洋蔥、海澡，除咗生牛肉滑脫脫嘅口感之外，再多咗種爽脆。
佢本身個醬汁creamy酸酸地，表意再加上少少芥末，用埋搽麵包幾唔錯。
c’est une blonde 生牛肉他他
128 views
0 likes
0 comments
.
☞ un loup bar 鱸魚
極度嫩滑，係入口即溶‼️極度誇張。
味道會就相對清淡啲，用咗木魚湯，再配埋枝豆、海藻，有少少似日本菜式。
un loup bar 鱸魚
110 views
1 likes
0 comments
.
☞ elle cacabe 珍珠雞🐔
雞肉呈粉嫩色🙀滑脫脫到痴線，甚至係我食過最滑嘅雞！
配上杜松子汁、野菌栗子蓉，稠稠地帶有少少雞肉汁同埋菇味，比鱸魚味道香濃，更啱我呢啲重口味人士🥰。
仲有塊楓葉形狀嘅脆片，鹹鹹地配埋雞肉一齊食超級正。
elle cacabe 珍珠雞
176 views
0 likes
0 comments
.
☞ il est gonfle 疏乎厘🧁
今次呢個午市套餐仲包埋佢哋最招牌嘅疏乎厘💖！
剛呈上嘅時候疏乎厘非常之高，內裏組織細密，唔會覺得一堆泡咁，而係有種綿滑嘅感覺。
表面有層薄薄地嘅脆片，有啲似焦糖布丁嗰種，口感一流✨！
唯一挑剔係甜咗啲，同埋個雲呢拿雪糕就唔算太特別，不過整體來講都係非常出色嘅疏乎厘。
il est gonfle 疏乎厘
69 views
0 likes
0 comments
il est gonfle 疏乎厘
62 views
0 likes
0 comments
.
☞ petits fours🍫
分別有咖啡朱古力、腰果macaron、熱情果啫喱，三款都非常高質👍🏻！
朱古力極度香醇，表面少少脆，咬開咖啡味慢慢慘出。
Macaron巧妙地配上鹹鹹地嘅腰果，令到呢個一向偏甜嘅甜品唔會得死甜。
連熱情果啫喱都好出色，表面先有層薄脆白朱古力皮，熱情果味真實。
Petite fours
82 views
0 likes
0 comments
.
☞ coffee or tea☕️
——————————————————
DiningCity WE LOVE DINING 百強熱選 lunch set $438
整體味道: 4.6/5 整體性價比: 4.4/5
.
整體來講，對今餐嘅食物非常滿意，冇一道菜令我失望，肉質嘅滑溜程度完全mindblown 🙀呢個價錢可以食到呢個質素真心幾抵！環境既有自己特色得來非常之靚，非常推薦💖！
Post
