聰嫂私房甜品

Open Now

Now Closed

間中行過依間「聰嫂私房甜品」都爆晒人流好熱鬧。今日行到累入去休息一下食「休閒下午茶」，超便！餐廳裝潢新派同好光亮，同傳統甜品店大有不同。下午茶（3款選擇）：芒果冰仙草凍，賣相精緻，溫度夠凍好解暑。好多芒果粒好清新，底下有仙草，質感彈牙。椰皇榴蓮燉雙皮奶（必食）椰皇雙皮奶本身已經受歡迎，仲要配搭榴蓮蓉，依個甜品絕對高質素。榴蓮蓉好多，入口即溶，好濃郁既榴蓮味道👅。雙皮奶重奶味同香滑。杏汁芒果豆腐花外面好少豆腐花配配芒果🥭，但原來兩者又幾夾！豆腐花好滑，口感好清新。龍眼椰果冰有真龍眼粒粒，好清爽同加強口感。椰果味嘅綿綿冰好濃味，而且偏甜。地點：聰嫂私房甜品旺角豉油街富達大廈