麥記美食 (景文樓)

Open Now

Now Closed

連續九年獲米芝蓮推介嘅上海小店，近年更開堂食俾大家可以坐低享受。店內環境雖然簡樸，但出品一向平靚正，唔少人更會山長水遠過嚟幫襯。小店主打多款經典上海小吃，有套餐亦有單點，平日晚上大排長龍，唔想等位嘅建議避開食飯時間去或外賣自取。必試招牌菜有生煎包，每日人手搓製，即叫即煎，底部香脆，上半身鬆軟，望落細細件但都幾飽肚，咬落肉質鮮嫩，價格親民，超抵食。生煎鍋貼底層煎得金黃酥脆，皮薄餡靚，越食越上癮、小籠包咬落爆汁，點埋醋可降低膩感。如果鍾意食麵嘅朋友仔建議試雲吞擔擔麵，手工製，口感彈牙，搭配花生醬，辣椒油等，湯底濃郁，味道鹹香唔辣，雲吞同樣皮薄餡多，十分飽肚。酸辣湯辣度偏低，唔夠嘅可以加辣，黏稠感豐富，可以當醬汁、黃金之翼有三大隻，鹹蛋黃香氣四溢，微微沙沙口感，外脆內嫩，正。