呼吸星球

Open Now

Now Closed

土瓜灣係一個充滿懷舊嘅地區，好鍾意喺度發掘有趣嘅食店，其中呼吸星球就係其中一個好地方。由於lunch同晚餐價錢都相差一大截，所以夜晚呢度客人比朝早少。我哋揀咗正中央嘅枱，方便欣賞店入面每個細節。呢度主打和牛，我哋4個人，每人叫咗一個餐，餐牌上面其實都只有四款，兩款石垣島，另外兩款鹿兒島，再加兩個小食。小食方面，特別鍾意知蕃茄，酸酸甜甜，食完特別開胃。黎到主角，賣相相當精緻，據店員介紹，一款比較重牛味，個人比較偏好（唔記得咗邊款，不過可以到時問返店員），不過份量唔算多，大食量/男士可能要叫大份果款。