Video
Read full review
2021-01-28
946 views
好耐冇打食評，今次真係忍唔住。其實買外賣都不外乎落單、比錢、等、拎走呢幾個步驟，居然會有間野係做外賣都可以比每一個客受氣，仲要係態度極度惡劣，簡單係貼錢買難受。疫情關係，間間過左6點都係做外賣架啦，我7點去到，一個光光地頭既男人(唔知係店員定老板)係度落單，其實一d都唔忙，除左已經落完單既幾個人等緊野食，就我前面一個人落黎單，跟住到我，兩個客咁大把。個光頭男就話如果要飯就要等10分鐘，然後就同前面個客係咖喱飯唔要飯同咖喱例牌呢個落單過程度有兩句口角，然後大大聲同個客講「咁你唔鍾意可以唔買格。」，然後到我落單，我第一次幫襯，以下係落單過程：我：請問牛三寶係乜？光頭男：牛腩、牛肚、牛脷，要咖喱定清湯？我：我都係要咖喱牛腩飯(我唔知三寶係有牛脷，我唔食牛脷)。光頭男：(塊面勁唔好老脾，懷疑因為已經係部機㩒左牛三寶) 冇飯喎，要等10分鐘。我：我可以等呀。跟住佢出單，我見到張單寫住小辣。我問佢可唔可以要大辣，佢即刻發哂老脾，大佬我第一次黎，落單你又唔問我要咩辣幫我落左小辣，我講返聲我想要大辣你就發哂脾氣，唔駛咁呀嘛？如是者因為佢話飯要等10分鐘我就行去便利店買野，買左5分鐘返黎已經有得拎其實根
其實買外賣都不外乎落單、比錢、等、拎走呢幾個步驟，居然會有間野係做外賣都可以比每一個客受氣，仲要係態度極度惡劣，簡單係貼錢買難受。
疫情關係，間間過左6點都係做外賣架啦，我7點去到，一個光光地頭既男人(唔知係店員定老板)係度落單，其實一d都唔忙，除左已經落完單既幾個人等緊野食，就我前面一個人落黎單，跟住到我，兩個客咁大把。個光頭男就話如果要飯就要等10分鐘，然後就同前面個客係咖喱飯唔要飯同咖喱例牌呢個落單過程度有兩句口角，然後大大聲同個客講「咁你唔鍾意可以唔買格。」，然後到我落單，我第一次幫襯，以下係落單過程：
我：請問牛三寶係乜？
光頭男：牛腩、牛肚、牛脷，要咖喱定清湯？
我：我都係要咖喱牛腩飯(我唔知三寶係有牛脷，我唔食牛脷)。
光頭男：(塊面勁唔好老脾，懷疑因為已經係部機㩒左牛三寶) 冇飯喎，要等10分鐘。
我：我可以等呀。
跟住佢出單，我見到張單寫住小辣。我問佢可唔可以要大辣，佢即刻發哂老脾，大佬我第一次黎，落單你又唔問我要咩辣幫我落左小辣，我講返聲我想要大辣你就發哂脾氣，唔駛咁呀嘛？
如是者因為佢話飯要等10分鐘我就行去便利店買野，買左5分鐘返黎已經有得拎其實根本唔駛話要等10分鐘，我入去拎個陣一句聲都有講過，佢見到我又係態度極差大大聲話「你架你架你架」，好似搞到我入去乞食拎完好懶返出去咁，真係好痴線，全程我完全冇得罪過佢，又冇言語上話到佢d咩，完全唔知自己去買盒飯做咩要比人咁對待。我眼見佢唔係剩係對我係咁，我前面個客已經比佢鬧左，個個客都要受佢氣。
返到屋企食左個飯，講真個咖喱係幾好食既。但係講真，好食既餐廳周圍都有，咁既態度就算幾好食我都唔會再幫襯，除非你地犯賤鍾意貼錢買難受鍾意無啦啦比人鬧啦。
Post