元朗冰室

Open Now

Now Closed

我哋嗌咗非常多唔同款式嘅豬扒飯麵，分別係Double厚豬扒飯配秘製豉油🍚 、 厚豬扒配咖喱汁飯🍛 、 焗意式烤豬扒飯 🍅、 招牌厚豬扒配魔鬼醬脆豬包🥪 ，每一款嘅豬扒都唔會太韌好好味！其中最令人覺得有驚喜嘅係招牌厚豬扒配魔鬼醬脆豬包🍞，呢一個豬扒包長度差唔多有我嘅前臂咁長，非常之大個，麵包嘅外皮香脆，而且入面仲有勁大塊厚切嘅豬扒 配上 非常惹味嘅芥末沙律醬，勁正呀！大家嚟到一定要試吓！除咗豬扒系列之外，佢哋都仲有好多唔同款式嘅嘢食嘅，我哋就試咗炸雞髀配冰室沙律🍗 、 咖喱牛腩飯 🐮、禾味燒BB鴿🐦 、 雪菜肉絲拼五香肉丁米粉🍜、法蘭西多士🧈等，其中我最推介嘅就係禾味燒BB鴿，乳鴿外皮燒到非常香脆，直程係有以前細個食嘅乳鴿嗰種甘香，推薦大家嚟到都可以嗌返一隻同朋友一齊share！