香港永年車仔麵茶冰廳

Open Now

Now Closed

早兩日去沙田拎野順便到訪永年食返碗車仔麵，今次每人一個餐唔洗爭。友人點了美國極佳級封門柳七成熟黑椒汁跟炸麵 ～ 黑椒汁倒入熱辣辣鐵板上，即時爆香， 封門柳掛滿汁後，一口一件直送入口，牛柳夠腍炸麵沾一沾醬汁更滋味。另外跟餐加招牌周打蜆肉濃湯 ～ 見友人熟練地將酥皮放入濃中一同進食，大讚酥皮脆湯又濃郁。芝士肉醬焗薯皮 ～ 3件放滿滿肉醬的焗著皮好夠惹味。紅茶龍眼冰 ～ 清甜得來解渴又滋潤喉嚨唔錯。永年大碗麵 ～ 謙謙選擇油麵，清湯bb 辣汁， 呢碗包括有魚蛋，蘿蔔，雞翼，雞翼尖，豬腸， 豬紅，豬皮，魷魚和紅腸，超豐富的一碗謙謙大讚蘿蔔好清甜，雞翼好入味。紅豆奶茶冰 ～ 茶夠香加上大量紅豆令成杯野飲味道即時提升。男神麵 ～ 我選擇粗麵少辣 ，包括有蘿蔔，豬腸， 牛丸，牛柏葉，牛腩和牛肚， 呢款絕對係我杯茶，不嬲都愛食豬腸，呢到清潔得好乾淨冇臭味的， 牛腩牛肚好入味，湯底濃郁帶點少辣的刺激。