加多娜天然酵母手作麵包店

Open Now

Now Closed

布甸麵包每日下午4:30開始發售，數量有限售完即止。當日4:35到已經有人龍，買左4款口味一共81蚊，付款方式只限現金、八達通。⭐布甸麵包麵包外層偏硬，內裡較為鬆軟，口感煙韌。如果想切開同人share，建議雪凍啲，因為餡係室溫好快融，加上麵包有啲硬，比較難切，尤其係黑芝麻味，切嘅時候流曬出黎。天氣熱建議買完一係即刻食，一係帶保冷袋裝，拎返屋企即刻放雪櫃，啲餡融化會令麵包變淋，口感冇咁好。【黑芝麻】$23表面嗰層係牛奶，下層似芝麻醬，芝麻味好香好濃郁，同奶味好夾，而且唔會太甜，四款入面我自己最鐘意黑芝麻味。【抹茶紅豆麻薯】$23紅豆又甜又大粒，抹茶味濃郁微苦，中間包住軟糯嘅麻薯，口感層次豐富，甜同苦配搭冇咁膩【原味法式布甸】$15好香蛋味，口感嫩滑似吉士布丁，但偏甜【朱古力】$20第一層係幼滑嘅生朱古力，甜味突出，第二層係原味布甸。個人認為呢款係好味，但朱古力味太出，導致原味冇乜存在感，有少少可惜店鋪狹窄，入面塞滿曬人，出面又勁多人排隊，冇辦法慢慢睇慢慢揀，建議唔買布甸麵包嘅人避開呢段時間。