Bubble Tree (成業工業大廈)

Open Now

Now Closed

呢間餐廳之前我都食過幾次，價錢合理，食物質素亦都非常唔錯；呢排咁岩約咗朋友去觀塘見面，朋友未食過呢間餐廳，就帶佢去試下。餐廳平時都好多人食，食之前最好都係喺openrice book定位。🥣 羅勒蕃茄湯蕃茄湯味道酸酸甜甜，非常開胃，好適合食主菜之前飲。🍔 山賊黑椒燒雞扒煙肉漢堡 配炸薯條及沙律個漢堡包一上檯就已經俾佢嘅份量嚇親，份量非常多，雞肉亦都非常厚肉同juicy；平時食漢堡包最驚會好dry，呢個漢堡包完全唔dry，雞肉嘅醬料同配料都好多，而面包都有烘過，口感外脆內軟。🍚 芝士蕃茄肉醬燴意大利飯(混合豬肉及雞肉）佢嘅味道同平時食開嘅肉醬意粉無咩分別，有好濃嘅蕃茄同芝士味，而意大利飯嘅硬度軟硬適中，醬汁嘅份量亦都非常多，味道酸酸甜甜，非常開胃。🍨 玉桂蘋果烤批配雪糕玉桂蘋果烤批外皮非常鬆脆，仲附送一球雲呢拿雪糕; 平時食玉桂蘋果批都好驚會好甜，但呢個嘅甜度岩岩好。🫖 蘆薈香橙冰紅茶（凍）呢杯紅茶都幾吸睛，紅茶同橙汁嘅味道都非常夾，好適合解膩，蘆薈嘅份量都幾多。