一起食堂 (威利廣場)

Open Now

Now Closed

又到星期五，放工梗係約朋友晚飯，到咗一間食台灣菜既小店一人一碗麵share 食再點幾樣小食。牛肉麵個湯底都好濃郁，好入味，牛肉份量都慷慨，肉質鬆軟唔錯，連同彈牙既麵一齊食，有一定水準，唔錯唔錯。豆乳雞烏龍麵有啲日式加台式既麵食，個湯底好重豆乳味，香滑感覺滋潤，d雞卷都大塊，夠食，烏龍麵爽口彈牙，唔錯既新配搭。府城蝦卷上枱時以為俾錯，望落似炸餃子，原來係充滿蝦肉既腐皮卷，炸得金黃色，食落都好酥脆，價錢都合理。鹽酥雞另外一樣台灣嘅美味小食，同樣炸到金黃色，唔會只係得炸粉，炸粉唔厚，內面既雞肉都唔會炸到乾哂，食落唔嚡，外面夠脆，幾惹味。肉燥燙青菜油麥菜份量都好多，好爽脆，肉燥份量亦都唔少，好惹味。檸檬多多乳酸飲品本身已經健康好味，加埋檸檬，成個飲品健康指數即刻upupup由good 變excellent。仙草冬瓜茶甜度剛好，一大嚿仙草響底，飲館吸啜嘅時候就會啜到，滑嘟嘟，口感一流。