哈豆

Open Now

Now Closed

大家有無試過食晏時間喺觀塘出沒？多人程度直迫維園年宵！不過多人自然多餐廳，數香港美食，觀塘係臥虎藏龍之地。觀塘嘅哈豆食台灣嘢出名，原來仲開咗分店，摸上工廈試試先。一入到餐廳已經見到好多以台灣著名景點做主題嘅壁畫， 好靚喎！一幅幅人手畫嘅作品，嗰份誠意已經加分，一坐低就感受到濃厚嘅台灣人文風。飲品先到，嚟一杯黑糖薑母茶，點解叫薑母茶？因為預咗要大開食戒，所以飲定薑消滯先！熱飲送脆餅，成件事令人由外暖到內。一場嚟到梗係要食哈豆最出名嘅台式火鍋啦！今次叫咗藥膳孜然鍋。感覺好似去咗台灣食麻辣燙咁。雖然湯底唔係辣到喊嗰種feel，但香濃嘅孜然味都十分誇啦啦。以一人份量嚟講，啲火鍋料都好多。肉類方面，有豬肉片（可以選牛肉），各款唔同嘅丸、蛋餃、大蝦、凍豆腐、勁長蟹肉棒，當中最特別係有鴨血糕同麻吉燒，呢兩樣平時食火鍋比較少見。至於蔬菜，除咗娃娃菜，粟米嗰啲一般嘢，仲有南瓜，蓮藕片，咦？仲有好香好粉嘅芋頭添喎！正！同場仲可以揀一個麵底，咁嚟食台式火鍋，梗係揀專誠喺台南直送嘅意麵啦！真係唔係度度有得食呀！記住喇，唔係伊麵，亦唔係意粉，係意麵呀！除咗火鍋亦好貪心咁叫咗一個雞絲芝麻涼麵。一向都鍾意食雞絲拉皮