川之源

Open Now

Now Closed

聽講西營盤正間果邊有間食物美味嘅川菜館，親依幾日天氣涼咗，食辣嘢記最舒服，所以約埋朋友放工一齊去食川菜。餐廳裝飾都帶帶中國風、碗碟亦唔例外。菜式都非常多，好多菜式都好吸引，但今日只有兩個人，所以只點了川北涼粉、青椒土豆絲同水煮魚。川北涼粉係一味涼菜，味道辛香爽口，涼粉入口細緻綿軟。依道川北涼粉冰爽麻辣微酸而且豉香味濃，令我非常開胃同期待下一道菜。青椒土豆絲，最樸素而又美味嘅一道菜。它無華麗嘅外表，亦唔會有過多食材嘅修飾。簡簡單單，就係青椒絲同薯仔絲。薯仔絲夠爽脆，調味亦剛剛好，絕對合格。水煮魚係今晚我哋好期待嘅菜式。一上枱，已經被面頭紅卜卜嘅泡椒吸引住喇。除咗魚片、鍋裏頭仲有芽菜同寬身嘅紅薯粉。先講下整體，辣味都好夠，喺辣裏頭，仲食得到其他調味料嘅香。魚片非常嫩滑，芽菜同紅薯粉亦吸收咗湯嘅味道，好好味。而且因為面頭好似過橋米線咁有一層油覆蓋喺表面，食到最尾，魚片、芽菜同紅薯粉都仍然保持住熱度。好好味。最後，我地食埋碗有解辣、涼快作用嘅甜品桂花冰粉，涼得嚟好香桂花味。依餐真係大滿足呀。