Video
Read full review
2024-05-26
277 views
難得一日同舊同學聚會，在煙廠街附近都好多食店，但大多數係甜品為主，但這裡都比我地搵到間可以食鹹同甜既西式餐廳，見內裡坐位闊落又舒服。+$40可以升級套餐，仲有湯或沙律、飲品、甜品，大部份主食都可以加。【套餐-蘑菇湯】味道濃鬱鮮美，口感非常香濃又creamy，香濃蘑菇的味道剛剛好，最重要是不算鹹，值得+$40去試個湯。(之前飲過其他地方既蘑菇湯越級鹹，真是不值一提)【蝦汁大蝦扁意粉】蝦汁非常香濃，雖然整體醬汁不算多，但係醬汁同意粉既配搭，再加埋鮮甜大蝦同彈牙扁意粉，真是絕配。【鹽焗鱸魚】用大量海鹽封住鱸魚但魚肉味道濃淡適中，鮮味十足，肉嫩味鮮，再沾上醬汁或加上青檸汁，鮮甜味更加突出。【黑松露薯條】乾爽的直身薯條，粗幼適中，薯仔味勁香，又夠熱辣辣同外脆內軟，沾上點點黑松露醬，黑松露味真係好強。【焦糖布丁】跟餐的甜品，蛋味香濃，口感又夠幼滑，又不算太甜。【椰子心太軟】椰子心太軟是蛋糕口感，外面是脆脆的，但內裡流心是滿滿椰絲香氣同有咬口的口感，雖然不算好流心，再配上生果、杏仁片、忌廉、雪糕等等，鍾意食心太軟既朋友可以一試。(甜品同飲品可以在餐牌上再選擇其他，$20以下就不用加錢，$20或以上就
+$40可以升級套餐，仲有湯或沙律、飲品、甜品，大部份主食都可以加。
【套餐-蘑菇湯】
味道濃鬱鮮美，口感非常香濃又creamy，香濃蘑菇的味道剛剛好，最重要是不算鹹，值得+$40去試個湯。(之前飲過其他地方既蘑菇湯越級鹹，真是不值一提)
【蝦汁大蝦扁意粉】
蝦汁非常香濃，雖然整體醬汁不算多，但係醬汁同意粉既配搭，再加埋鮮甜大蝦同彈牙扁意粉，真是絕配。
【鹽焗鱸魚】
用大量海鹽封住鱸魚但魚肉味道濃淡適中，鮮味十足，肉嫩味鮮，再沾上醬汁或加上青檸汁，鮮甜味更加突出。
【黑松露薯條】
乾爽的直身薯條，粗幼適中，薯仔味勁香，又夠熱辣辣同外脆內軟，沾上點點黑松露醬，黑松露味真係好強。
【焦糖布丁】
跟餐的甜品，蛋味香濃，口感又夠幼滑，又不算太甜。
【椰子心太軟】
椰子心太軟是蛋糕口感，外面是脆脆的，但內裡流心是滿滿椰絲香氣同有咬口的口感，雖然不算好流心，再配上生果、杏仁片、忌廉、雪糕等等，鍾意食心太軟既朋友可以一試。
(甜品同飲品可以在餐牌上再選擇其他，$20以下就不用加錢，$20或以上就再補差價的)
到最後我地都是叫了普通既飲品。
Post
