王家沙．花樣年華 (黃埔天地享膳坊)

Open Now

Now Closed

兩個人用晚餐，原本點左小籠包，京醬肉絲，雞湯同炒年糕。炒年糕被漏單。客觀地講個味道同環境都是可以的。但以後都唔會光顧了，因為服務態度勁差。埋單時發覺茶位同碟花生小食分開計費，因為我先生是外國人，我們亦都係最近先從外國定居返港，並不理解哩個計費方式於是提出疑問，服務生姐姐即刻講要搵阿頭來解釋。阿頭來左之後，冇打任何招呼就十分粗魯地將menu拍到我地檯面，並開始不停講“我地條款都清清楚楚寫在上邊，冇可能個，食嘢一定要俾錢”，並且多次強調“ 食嘢一定要俾錢 ”。我先生就講，如果一開始你同事就講清楚收費，梗我就唔會要碟花生，況且我們並沒有唔肯俾錢 。我同先生講算啦，每個地方的餐飲行規都不同。乖乖俾錢之後，佢仍然不停講“係梗樣個啦， 食嘢一定要俾錢 ” 並且全程黑面， 問佢做咩哩種態度，佢反問我“妳要咩態度”。本人當時已經6個月身孕，不想繼續動氣，於是不做爭辯當即離開。