芭堤雅泰國餐館

Open Now

Now Closed

與同事在元朗工作完，帶我去芭堤雅泰國菜館食晚飯。門面及裝修都好精緻簡約，透過玻璃窗看到食客開心享用，大約等了十分鐘就可以安排座位同事愛吃酸辣鳳爪，點了一客，大大份性價比極高，鳳爪好有咬口，唔會淋晒，而且份量不少呢！撈勻各樣配料一起吃，特別美味！酸辣汁嘅份量亦都恰到好處，唔會水汪汪，亦都唔會太乾身，辣度介乎BB辣與微辣之間，已經足夠刺激味蕾了基本上，鹹肉炒乜嘢菜都好食，呢度有鹹肉炒芥蘭，就考下廚師嘅功夫啦！首先鹹肉處理得好好，炒得香，入口煙煙韌韌，又唔會過鹹，芥蘭好爽口保持翠綠，一啲都唔油膩，佢哋仲放少少炸麵包粒，加埋芥蘭一齊食過感覺好特別！又點埋乾炒大蝦金邊粉，上菜時幾樣配料特登分開，等你自己撈勻，而家都仲係正月，好有撈起撈起嘅意頭呀！金邊粉炒得乾身，咬口好好，醬汁好均勻咁樣掛響啲金邊粉度！大蝦嘅數量唔少，同埋好彈牙，醬汁同大蝦都好匹配，香香甜甜咁樣，都好滋味食甜品，每一代都一定會叫椰香Bun，香脆熱辣辣嘅麵包，加上雲呢拿雪糕，上菜時，有一杯仔煉奶俾你淋上去，完全係色香味俱全，香甜軟滑脆口嘅感覺一齊嚟！跟住飲埋一個冬日之選香茅斑蘭茶，香茅同斑斕兩個香料，一齊喺杯甜甜地嘅熱茶入面，原來係