暖心芝作

Open Now

Now Closed

約咗啲舊同事食飯，喺大角咀行出嚟太子行到熱死辣辣，見未夠鐘諗起呢度有間舖頭專賣芝麻嘢，就專登過嚟食雪糕涼快一下。可能係平日嘅夜晚，唔算多人排隊，都係大概10個人到好快就可以買到雪糕，難得唔使點排隊就買咗雪糕同埋芝麻卷。雪糕第一啖咬落去吸有驚喜，驚喜在於個醬真係好濃，反而雪糕就感覺冇乜特別，但係上面個芝麻醬實在太濃味，直頭想返轉頭淨係買樽醬。買嘅時候問個售貨員啲芝麻卷可以擺幾耐，佢話即晚要食咗佢唔可以放隔夜。咁食完飯就即刻啪埋佢，芝麻卷真係要新鮮食，如果唔係就會變硬，佢呢隻芝麻卷唔會太甜，但係個芝麻嘅味就唔算好出，可能係之前雪糕嗰醬實在太出色，有少少比下去。如果唔想排得咁犀利，真係唔好假期先嚟，呢啲非繁忙時間食又幾好。