蝦蝦燒

Open Now

Now Closed

好耐冇食燒海鮮，呢度有流水蝦，只要你夾得到就可以燒嚟食，有啲蝦超級生猛一夾佢就郁嚟郁去，職員好好禮貌會教我哋點樣燒先會最好食。啲蝦源源不絕供應，可以放心慢慢夾。而家加$1有得打埋邊爐👍🏻👍🏻一坐低職員就會俾人一串肥美嘅鱔我哋，超級推介，因為肉質厚，皮燒至香脆超好食！之後即刻去自助區度拎嘢食先，海鮮方面有大量鮑魚、生蠔、帆立貝、蜆，種類非常之豐富而且份量好多喺自助區任攞任食！返到去就有得燒🤩個爐夠熱啲食物好快有得食，見到一大堆鮑魚一定要即刻衝過去拎拎拎，記得鮑魚要剪咗個殼先至可以燒，否則個殼會裂開彈出嚟。鮑魚燒完之後幾香口，可以去自助區加啲蒜蓉香蔥調味。另外我鍾意佢哋嘅扇貝，大大粒超好食！肉類方面，有牛仔粒、雞肉串、多春魚、魷魚、豬肉串、豬大腸等等，滿足晒想燒烤嘅慾望😍其他蒜蓉包嗰啲唔使講都一定有嘅，去到最後原來仲有日本雪糕，推薦！