新泰東南亞餐廳

Open Now

Now Closed

過咗生日成個月，仍然有朋友約我食生日飯真係開心，仲要係選擇好耐冇去嘅尖沙咀新泰，簡直係高興到不得了新泰開咗應該都超過20年，每次幫襯都係座無虛席，燈光佈置擺枱都係熱鬧又有氣氛，眼見每一台都係開心愉快咁享用一餐食泰國菜，我必定會點酸辣鳳爪同埋冬陰功湯，呢度嘅酸辣鳳爪性價比好高，大大份惹味又抵食，食呢款小食最重要係鳳爪嘅咬口同埋是否入味，呢度係冇令我失望，尤其咬口好好。而一個細嘅冬陰功湯，就啱啱好可以兩個人分，材料好足又新鮮，大蝦夠彈牙，偏甜咗少少，應該遷就咗香港人嘅口味主食點咗馬沙拉咖喱牛和香草肉碎炒飯，咖喱汁好香好滑，連薯仔都煮得好好食，也喜愛牛肉比較厚切的做法，好好咬口，整份咖喱如果配白飯是最好的，但因為想吃炒飯，所以試吓兩樣相配，效果都好好呀炒飯也做得不錯，很喜愛炒這個飯的醬料，提升了炒飯的味道萬萬想不到，驚喜來自甜品：原個椰青大菜糕，做法是先將椰青肉挖出來，然後用完個椰青水煮好大菜糕，倒回在椰青裏面，加上椰青肉冰製而成，好有特色同埋好用心，椰青水煮出來的大菜糕，甜美是剛剛好，一口一口，連椰青肉一起吃，非常美味生日祝福滿滿，又有好嘢食，感謝感謝！