粉制良品 (Closed)

又俾我發現咗深水埗的掃街美食，這間「粉制良品」主打筲箕河粉，仲有石磨腸粉，全部即叫即整非常新鮮！🔸招牌手撕雞筲箕河粉手撕雞肉質鮮嫩，撕成條狀，肉絲爽滑入味。筲箕河粉係即叫即蒸，粉皮薄而煙韌，口感極佳。配上店家獨家調製嘅醬汁，蒜蓉同乾蔥香味十足，真的不錯。🔸滷水大雜燴滷水大雜燴一碗入面有牛筋、牛腩、牛肚、大腸、蘿蔔等，料好實在。牛筋有嚼勁，牛腩同牛肚都炆得軟綿入味，蘿蔔吸收咗滷汁，甜中帶鹹，味道一流。整體性价比超高，實在係抵食又好味。🔸叉燒蛋石磨腸粉腸粉用石磨現磨嘅米漿製作，口感嫩滑，同酒樓嘅腸粉完全不同。叉燒肉質鮮嫩，甜中帶鹹，雞蛋同腸粉捲在一起，口感豐富。