滾餃

Open Now

Now Closed

約咗朋友去觀塘廣場果邊買嘢，順道帶咗我去一間新開嘅餃子店～喺駱駝漆大廈，出名多特色食肆。小店簡單裝修並帶點工業風～全店餃子都係人手包製，席間仲見到包製過程，保證新鮮。餃子口味有傳統亦有創新～有自家製辣菜譜，好特別有少少煙熏味，爽口脆身👍🏻香茜豬肉餃～（湯）下午餐$40豬骨湯底，清甜美味。芫荽豬肉餡料味道芳香，調味啱啱好唔會過重，豬肉和芫荽比例啱啱好。餃子皮薄滑溜，亦不會太腍令餡料爆開。整體唔錯，有自家製嘅風味。上海麵幼滑爽囗！👍🏻樽裝果茶及豆漿，配餃子唔錯蒜芯鮮蝦豬肉併韭菜豬肉煎餃（雙併10 隻 $66）煎嘅做法同樣好吃。外皮夠脆非常香口，肉餡仲keep到夠juicy 。「蒜芯鮮蝦豬肉」有原隻鮮蝦爽口彈牙，蒜芯爽脆清甜，味道好夾。韭菜豬肉同嘅美味，韭菜比例較多，吃到爽嫩的韭菜豬肉餡非常滿足！店家同樣提供各款小食、冷盤泰式無骨酸辣鳳爪炎夏天氣最啱食嘅冷盤，辣勁十足，而且好夠份量。皮蛋肉鬆豆腐小食嚟講真係好大碟。肉鬆配豆腐相當美味。皮蛋好香有溏心。除了堂食亦可以外賣生餃子返屋企品嚐，夠晒原汁原味。