仙滿堂

Open Now

Now Closed

早兩日同老婆喺沙田新城市廣場行街，行行下老婆話口痕好想食甜品，行左陣見到一間叫［仙滿堂］嘅糖水舖係食台式甜品嘅，老婆話想試下，於是就攞飛等入座，入座後安排左一張二人枱，現場環境地方雖然唔算好大，但新裝修好企理坐得舒服嘅，Menu都有好多款選擇，我哋最後揀咗個招牌豆腐花(凍)同埋招牌麻薯牛角包窩夫配3.5牛乳雪糕，落單後隔咗一陣先上左個招牌豆腐花，個豆腐花賣相唔錯，啲芋圓、珍珠、紅豆、白玉，舖滿哂喺面非常之足料，食之前完全見唔到啲豆腐花，但原來豆腐花先係重點一食你就知好有豆香，至於個麻薯牛角包窩夫，先講個窩夫先做得好鬆脆唔會食到好油膩，我老婆好鍾意食cream啲cream嘅份量多到完全冚住哂個窩夫，麻薯都好食，牛乳雪糕夠香滑正常水準，總結呢間［仙滿堂］整體食物質素好，店員服務都唔錯， 呢間絕對有下次