Video
Read full review
2025-04-15
66 views
人一大個就會接觸多左素食，然後慢慢又會發癲，其實食齋都可以食得好豐富好飽！而呢一間餐廳亦都帶咗一個新嘅體驗！✨片皮鴨邊有諗過食齋都有片皮鴨！！好誇張啊～～素鴨嘅肉質好像真，一定要Credit落去啲配菜同埋個醬汁，真係堪稱完美配搭，就連個外皮都好薄身好煙靭！✨印度風味咖喱手抓餅手抓餅做得好好好酥脆！！印度咖喱仲要用埋鐵嘅器皿，風味似得黎要俾人有足夠嘅視覺效果。咖喱濃郁得來唔辛口，仲要就咁單獨食都唔會太鹹，出色！✨珍貴苜蓿芽手卷素食真係幾可亂真，就咁睇個樣真係同牛油果三文魚沙律非常相似，食落去當然就會有少許嘅分別。脆嫩嘅苜蓿芽加入軟香嘅牛油果都幾夾，更重要展現左小店素食嘅理念。✨台式叉燒刈包相信都係其中一款餐廳嘅招牌，外皮白雪雪食落非常鬆軟，素叉燒居然比我預期中好味，口感爽嫩，帶有微甜嘅醬香，其實同真嘅完全冇分別(・ω・)ノ真係令小編心深佩服素食文化嘅豐富多元。✨腐皮卷裏面嘅蔬菜滿滿，外皮煎得香脆，絕對係一款老少咸宜嘅齋菜！✨鮮竹蒸牛肉球牛肉球口感就相對實淨，黏稠，但係都食得出特別用心加入左芫荽去模仿。✨燉湯餐廳都有提供湯品，今日揀咗椰子雪耳無花果、香菇竹笙菜膽翅湯，兩款嘅水準都非常之高，
人一大個就會接觸多左素食，然後慢慢又會發癲，其實食齋都可以食得好豐富好飽！而呢一間餐廳亦都帶咗一個新嘅體驗！
✨片皮鴨
邊有諗過食齋都有片皮鴨！！好誇張啊～～素鴨嘅肉質好像真，一定要Credit落去啲配菜同埋個醬汁，真係堪稱完美配搭，就連個外皮都好薄身好煙靭！
✨印度風味咖喱手抓餅
手抓餅做得好好好酥脆！！印度咖喱仲要用埋鐵嘅器皿，風味似得黎要俾人有足夠嘅視覺效果。咖喱濃郁得來唔辛口，仲要就咁單獨食都唔會太鹹，出色！
✨珍貴苜蓿芽手卷
素食真係幾可亂真，就咁睇個樣真係同牛油果三文魚沙律非常相似，食落去當然就會有少許嘅分別。脆嫩嘅苜蓿芽加入軟香嘅牛油果都幾夾，更重要展現左小店素食嘅理念。
✨台式叉燒刈包
相信都係其中一款餐廳嘅招牌，外皮白雪雪食落非常鬆軟，素叉燒居然比我預期中好味，口感爽嫩，帶有微甜嘅醬香，其實同真嘅完全冇分別(・ω・)ノ真係令小編心深佩服素食文化嘅豐富多元。
✨腐皮卷
裏面嘅蔬菜滿滿，外皮煎得香脆，絕對係一款老少咸宜嘅齋菜！
✨鮮竹蒸牛肉球
牛肉球口感就相對實淨，黏稠，但係都食得出特別用心加入左芫荽去模仿。
✨燉湯
餐廳都有提供湯品，今日揀咗椰子雪耳無花果、香菇竹笙菜膽翅湯，兩款嘅水準都非常之高，飲落去非常滋潤，雪耳無花果比較清，而後者嘅配料非常澎湃，而且充滿着湯嘅精華，好入味！
✨越南法包三文治
最欣賞呢一間餐廳包含唔同地方嘅菜式，法包🥖做得外脆，咬落鬆軟，夾住嘅素肉片、塗抹嘅醬汁都帶有越式風味！
✨四川擔擔麵
見到好多人都推介呢一款擔擔麵，鍾意濃味嘅我當然唔能夠錯過，湯底做得濃郁濃稠，辣度可以接受，素肉碎都幾多，惹味惹味～
✨紅韻珍釀 山野凝香
買一送一有推廣優惠！！用上咗梳打機，直接喺面前倒架～飲落去山楂嘅酸再帶有少少蜂蜜嘅甜，配合埋梳打水！正呀喂(・ω・)ノ
Post
