麥記美食 (景文樓)

Open Now

Now Closed

以前住北角間唔中都會幫襯麥記美食，覺得性價比好高，食物質素高得嚟大件夾抵食，附近街坊一定都試過呢間平民美食😋 後來睇傳媒報道先知，原來麥記美食連續獲得9年米芝蓮推介😱 但價錢仍然親民，真係非常抵讚👍🏻🥟 生煎鍋貼餐廳主打上海小食，鍋貼係必點之選👍🏻 底部煎到金黃酥脆，咬落去爆汁，肉餡鮮美唔油膩。皮薄而煙韌，即叫即煎，趁熱點少少醋同辣椒醬食最正！🥣 酸辣湯小雲吞小雲吞用料足、啖啖肉；酸辣湯開胃解膩，可以揀酸/辣度。❤️ 小籠包皮薄餡靚，湯汁飽滿，一戳即爆汁，原來入面除咗豬肉仲加咗自家製雞湯，唔怪之得特別鮮味。🍜豬扒擔擔麵豬扒大大塊，擔擔麵花生醬味道濃郁。湯底嘅肉碎加入特製調味料，每日新鮮即炒，惹味香口。