鐵板超 (Moved) New Location

每逢慶祝節日，都要搵間特色餐廳慶祝，今次訂枱專程去食日式鐵板燒。餐牌有多款二人套餐，我比較喜歡海鮮，所以揀咗鮑魚、龍蝦、和牛、鵝肝套餐。師傅會喺你面前即場烹調。一坐低會有個前菜同沙律，前菜有兩款：芥末墨魚咀，非常爽口，小小辣；另一款係甜魚仔，好香口。沙律有新鮮嘅沙律菜，最驚喜嘅係有兩粒超甜蕃茄仔。主菜第一味會燒巨型鮑魚，一人一隻，燒嘅時候師傅會切開一片片，然後分好兩碟，放到你面前。意想不到嘅係，鮑魚竟然內裏好林好軟滑，外面又有一點爽口。好特別。之後接住係龍蝦，同樣火力同時間都控制得剛剛好，肉質爽口，好正。第三味係鵝肝，鵝肝一路煎一路出油，師傅不停掃走多餘嘅油，最後剩返鵝肝嘅精華，再放上麵包上面，熱辣辣，好香好好味，係我全個餐入面最鍾意嘅。第四味係和牛，和牛五成熟，肉質香滑。仲有炒雜菜，同埋蟹籽炒飯，原來已經好飽，份量好足料。下次有慶祝節日都想再嚟食。