富寶會所私房菜

Open Now

Now Closed

九龍城邊個話一定要食泰國菜？今次經朋友介紹就認識到呢間勁正嘅私房菜 見到餐廳做緊夏季及父母親節特惠套餐 菜式非常吸引 仲可以半席享用免加一 同屋企人商量完之後就出發嚟食喇就等我重點介紹三款菜式啦💁🏻‍♀️❣️百花蝦球伴鮮什果沙律好似好耐冇見過呢一種手工菜大大粒嘅蝦棗外層用杏仁片包裹炸到金黃色 賣相已經令人食慾大開蝦球咬落夠晒彈牙 充滿肉汁 相信師傅係手工製作先做到呢種口感鮮果沙律充滿兒時嘅味道 酸酸甜甜好開胃❣️ 鮑魚響螺燉竹絲雞湯飲得出呢煲湯係經過時間嘅洗禮飲落順喉 充滿濃郁嘅雞味 用上低脂嘅竹絲雞更加健康配料仲有矜貴嘅鮑魚同羊肚菌真材實料 火喉拿捏得非常準確 鮑魚一啲都唔老 食落彈牙得嚟唔會煙韌連啲瘦肉我都覺得好入味好好食❣️黑松露花枝帶子皇新興嘅矜貴菜式點可以少得黑松露黑松露味道比較濃郁 帶子同花枝本身比較淡味 融合埋就剛剛好帶子大大粒 生熟度拿捏得非常準確 食落彈牙花枝切咗薄片 接觸面更多 可以沾到更加多黑松露 好惹味配埋啲爽脆嘅西芹食 既清新又惹味除咗套餐之外 都有其他單點菜式當然想食海鮮建議提前預訂 咁就確保有得食啦呢度仲有麻雀檯 想早啲過嚟聯誼吓一樣冇問題有慶祝主題的話，仲可以聯