究極堂 (永光中心)

Open Now

Now Closed

位於登龍街嘅永光中心有唔少餐廳選擇，呢日試咗間主打日式fusion菜嘅餐廳，餐牌入面選擇好多。蟹皇丼（$138）- 鍾意食蟹嘅朋友不容錯過，入面材料十足，有蟹肉、蟹籽、芝士、蔥等配料，仲有燒魚乾，用嚟沾上蟹肉一齊食，真係非常滋味。黑松露牛油果軟殼蟹卷（$118）- 牛油果口味清新、質地軟滑，配上香脆嘅軟殼蟹，仲有黑松露，無論口味或質感都非常多層次。明太子雜菌地雞薄餅 （$118）- 估唔到日式餐廳嘅薄餅都咁有水準，呢個明太子雜菌地雞帶有滿滿嘅日式風味，入面超多芝士，配以香脆嘅餅底，味道好有驚喜。芝麻雞翼（$38）- 雞翼炸得香脆，熱辣辣，夠晒惹味。雪糕班戟（$128）- 呢個甜品名雖然簡簡單單，但非常有特色。除咗面頭有一球雪糕連金箔之外，下面嘅班戟整得非常有心思，每層都有唔同嘅味道，包括紅豆、朱古力醬，花生醬以及脆焦糖。每啖嘅味道都有所不同，超級多重口味。 餐廳無論環境同食物質素都好好，入邊仲有party room，啱晒一大班朋友聚會呀。朋友上次到訪過炮台山分店嘅party room，一直讚口不絕。