美滋鍋 (家樂坊)

Open Now

Now Closed

餐廳主打美顏火鍋，裝潢以夢幻粉紅為主題，打卡一流。每日營業至凌晨兩點，而九點後入座無限時任食，性價比甚高，難怪越夜越多人，同朋友仔嚟聚餐最合適不過。食物方面有四款套餐，可因應個人喜好選擇，主要分別在於肉類，最近更推出全新甜品火鍋放題，超過20款甜品，包括懷舊砵仔糕，自動Pancake 機等，甜品控衝呀！作為甜品控，第一件事唔係點肉而係出去攞甜品🤣 朱古力Mousse、鮮果塔、綠茶蛋糕卷、薑汁蛋白燉奶、朱古力曲奇、開心果Brownie、開心果糯米糍、士多啤梨/蜜瓜奶凍、椰汁紫薯凍、斑斑椰汁糕、玫瑰桂花糕、忌廉小泡芙、雜果味啫喱、葡撻、豆腐花、仙草凍等，估唔到短短嘅兩個鐘內都不停轉換款式，打卡able又好味，甜度適中，細細件唔怕膩，滿足感Max。湯底選擇多，招牌菜為膠原蛋白養顏美容鍋，採用瑤柱、雞肉、雞腳、豬手豬骨等熬製超過8個鐘而成，骨膠原豐富，建議先飲碗湯。清涼解熱雪耳鮮椰子鍋一樣咁足料，相比之下比較清淡，飲落鮮甜，各有千秋。肉類方面會推美國PRIME牛下肩胛同澳洲M6+和牛，牛味突出且唔嚡，全部配菜吸飽湯汁，唔洗點醬都OK。自助區提供多款蔬菜、特色丸子、港式街頭小食，碗仔翅、茶葉蛋、