嘆甜品

Open Now

Now Closed

🏠餐廳名稱：嘆甜品（屯門）依間甜品舖，有唔同款式嘅甜品，又有唔同嘅口味，真係花多眼亂,選擇障礙嘅朋友真係慎入。而且款式嘅配搭都好特別，一次真係試唔晒。有唔同口味嘅窩夫、椰皇燉蛋白、牛奶冰、傳統甜品，仲有一啲炸嘅小食，全部都好唔錯。不過感覺上雪糕就有少少失色，略嫌有啲香精味。圖一：開心果 waffle口味幾特別，而日上面都有好多開心果醬，但係有少少甜咗啲，而且如果可以分醬上會更加好，因為而家好似淋佐少少，但依然幾好味。圖二：楊枝甘露椰皇燉蛋白椰皇燉蛋白好香滑，楊枝甘露係分開上嘅，味道都好好，可以叫一個甜品滿足兩個願望。但係撈埋一齊食就好似唔算特別夾，最後都係分開咁食。圖三：炸燒賣、炸粟米片雞塊我本身唔係幾鍾意食炸嘢，但係見到佢係即刻炸，炸燒賣竟然有好香嘅魚肉味，份量都好多，唔係好多粉嗰啲燒賣，有驚喜。圖四：焦糖爆谷牛奶冰呢個牛奶冰本身嘅配料，味道都夠甜，牛奶本身布加其他甜味，係牛奶嘅原味，佢另外會有煉奶俾你自己加上去，我試過唔加，味道都已經夠甜，加埋 Lotus焦糖餅同餅碎，口感好好，都好特別。圖五：杏仁茶配芝麻湯圓最後有一個傳統甜品，杏仁茶唔會太甜，芝麻湯圓味道都好好。整體啲甜品同小食