丼燃食堂

Open Now

Now Closed

老細食鱔日記🪱 13 有首歌叫半斤八両，寫盡打工仔心聲，其中一句歌詞，出左半斤力想話攞足八両，喺每一個年代都適用，絕對係經典歌曲。工作唔如意，就要另外揾生活意義。將唔喺理所當然既野，變成理所丼燃。 🍖乜蟹都有丼：老細成隻蟹咁打橫行，我地就拆左佢d蟹肉，蟹膏，蟹籽，蟹柳，再俾啲顏色佢睇，加埋明太子醬，撈埋一齊食左佢，味道豐富有層次，而且醬汁非常惹味，再加上大大個嘅喺蟹殼裝飾，色香味俱全。又可以主觀地打打敗老細。 🍖丼燃係盲盒：俾左八両嘅價錢，就係呢度囉超過一斤嘅食物，由厨師幫你自選最新鮮嘅食材，放係一個盒入邊。果種感覺係，老細睇到你既付出，點都會獎勵你，只係唔知喺車定樓。我呢盒勁吖,三文魚，油甘魚，虎蝦，帶子，蟹膏，仲有鮑魚添。份量超多而且非常豐富。感覺喺終於得到應有回報。 🍖食黎度既野令我重燃希望，為左警惕自己繼續保持呢份心情，我點左火焰卷，睇住d火，持續燃燒左成分鐘，食落口嘅鰻魚卷脆卜卜，踏出門口嘅時候，感覺喺我重生啦！