蘇山雞飯

Open Now

Now Closed

同屋企人喺太子行街， 行到肚餓就見到喺大馬路附近有一間裝修好特別嘅星馬餐廳， 我哋一行四人， 就入咗去。 餐廳環境好舒服， 地方闊落， 使用咗金色同木具嘅裝修。 餐廳主打星馬菜， 有signature嘅海南雞飯， 喇沙麵， 印尼炒飯等。 咁啱係下午茶時間， 套餐相當抵食。 我哋叫咗個海南雞飯， 怡保扎肉手撕雞粿條， 仲有細分嘅海鮮摻摻。 嚟到份量都好足 1） 獅城芽菜走地雞飯- 肉質鮮嫩， 雞油飯油香十足， 芽菜爽脆 2） 怡保扎肉手撕雞果條- 湯底清甜， 雞絲香滑 3） 星洲喇沙摻摻- 沙嗲湯底濃郁， 米粉好掛汁 ， 好滿足 下次行街行到攰可以嚟呢間特別嘅星馬賽餐廳試下！