講下佢個 「120分鐘澳洲和牛燒肉火鍋放題」，價錢方面，平日$268，週末$298，加一未計。燒肉+火鍋雙重滿足，仲有飲品、雪糕、雪條任食～澳洲和牛嘅質素一流，肉味香濃，仲有好多款唔同嘅部位俾你揀，包括牛板腱、牛上脂、極上七品同秘製牛五花！🔥
湯底揀鴛鴦鍋，豬骨湯已經夠香濃，但+ $58轉黃金粟米湯真係無敵，甜到你心入面，煮菜一流！🍲🥬特別係啲粟米湯煮完啲菜，嗰啲鮮甜味😍😍，真係值得加錢試下。👍
如果你想升級體驗，+ $88一位，仲可以任食生蠔、鵝肝蝦片、和牛他他同10款刺身！✨
- 生蠔：又大隻又新鮮
- 鵝肝蝦片：鵝肝煎得香脆又厚，配埋蝦片，口感一流
- 和牛他他：肉汁香濃🥩
仲有一個超級開心嘅小驚喜～兩位以上入座，即送原條鰻魚壽司，配上超迷你飯！🍣🐟
甜品
餐廳仲會送上畫有你專屬造型嘅芝士蛋糕畫碟！🎂好似我收到嘅美少女戰士芝士蛋糕，畫得超靚，因為係碟本身嘅圖案！🤣
慶祝生日記得要提前訂位，咁先有畫碟加生日佈置，四位起仲送$228嘅意大利汽酒一支！🍾🎉
最後，真係要讚下個餐廳氣氛，好有日本燒肉店feel，門口裝飾同熊本熊都好討喜，打卡一流，生日慶祝都好適合！🎏🐻
