Video
Read full review
2022-02-10
964 views
豆漿大王👑招牌正宗上海咸粢飯 🍙(全加料 $16+8) 8.5/10全部粢飯都即叫即整，約十五分鐘就有熱辣辣新鮮上枱嘅粢飯，賣相已經非常吸引🔥店舖仲好貼心咁俾埋個膠袋包住，客人就可以輕易食到。咸粢飯好足料，裏面包住炸菜、油條同肉鬆，一食落口就feel到啲油炸鬼係脆卜卜，完全冇淋到，而且粢飯料多飯少，加埋酸菜，所以油膩感減一半，可以三扒兩撥就食完半個。 但建議大家兩個人或以上黎，因為食哂成個就真係食唔落其他哂，絕對係飽肚之選⭐️肉鬆蔥花球 🍘($22 配豆漿）7.5/10完全係外脆內軟，如果鍾意食飯焦嘅朋友一定要試下呢個！出面個層非常脆，內裏係鬆軟嘅蔥花飯球，好香蔥花味，唯獨有少少油膩感。配埋肉鬆更加好味，會食到少少甜，如果有更多啲肉鬆就更上一層樓🔝五香牛肉麵🍜($39 配豆漿）6/10牛肉偏老咗少少，所以有啲硬，但唔算乾柴，連湯一齊食又okay。牛肉有少少甜味，而湯底則較為單調，主要係蔥花同少量炸菜，炸菜有好輕微嘅辣味，但飲落等同於清湯咁，偏清淡未足以吊味。反而上海幼麵煮得幾彈牙🦷，唔會太軟身，幾好食。 酸辣麵🌶($36 配豆漿) 6.5/10唔會好酸，又唔會好辣，眼似重口味之選，但其實
招牌正宗上海咸粢飯 🍙
(全加料 $16+8) 8.5/10
全部粢飯都即叫即整，約十五分鐘就有熱辣辣新鮮上枱嘅粢飯，賣相已經非常吸引🔥店舖仲好貼心咁俾埋個膠袋包住，客人就可以輕易食到。
咸粢飯好足料，裏面包住炸菜、油條同肉鬆，一食落口就feel到啲油炸鬼係脆卜卜，完全冇淋到，而且粢飯料多飯少，加埋酸菜，所以油膩感減一半，可以三扒兩撥就食完半個。 但建議大家兩個人或以上黎，因為食哂成個就真係食唔落其他哂，絕對係飽肚之選⭐️
肉鬆蔥花球 🍘
($22 配豆漿）7.5/10
完全係外脆內軟，如果鍾意食飯焦嘅朋友一定要試下呢個！出面個層非常脆，內裏係鬆軟嘅蔥花飯球，好香蔥花味，唯獨有少少油膩感。配埋肉鬆更加好味，會食到少少甜，如果有更多啲肉鬆就更上一層樓🔝
五香牛肉麵🍜
($39 配豆漿）6/10
牛肉偏老咗少少，所以有啲硬，但唔算乾柴，連湯一齊食又okay。牛肉有少少甜味，而湯底則較為單調，主要係蔥花同少量炸菜，炸菜有好輕微嘅辣味，但飲落等同於清湯咁，偏清淡未足以吊味。
反而上海幼麵煮得幾彈牙🦷，唔會太軟身，幾好食。
酸辣麵🌶
($36 配豆漿) 6.5/10
唔會好酸，又唔會好辣，眼似重口味之選，但其實又唔係好重口味，酸酸辣辣咁都幾開胃。湯入面有好多豆腐、酸菜同埋竟然有豬紅，非常足料。麵方面，同樣都係上海幼麵，一樣彈牙好食，同個湯底又幾夾👍🏻
鹹豆漿🥣
(粢飯加配 +17) 6/10
平時好少機會食鹹豆漿，其實佢嘅味道就好似粥轉咗豆漿底，而材料就變咗油炸鬼、蔥、同大量蝦乾🦐
食落覺得有咸香味，但豆味就唔多濃，偏稀咗少少。而且因為啲油炸鬼浸淋哂黎食，會令到成碗豆漿偏油膩，要睇下個人口味接唔接受到少少油膩感。
熱豆腐花🌼
(豆漿轉豆腐花 +2) 5/10
唔算滑身，偏老咗少少。 豆味亦都唔算香濃，好普通嘅豆腐花。
熱豆漿🥛
4/10
估唔到豆漿都係以碗上，本身以為好似平時咁以杯上。熱豆漿係無糖，可以自己加白糖作調味。
可惜，豆味唔覺得香濃，質感亦都係偏稀，較為一般。
Extra comment 🖍
•新蒲崗間鋪係工廈地下，較為隱蔽，好彩附近幾間都係食店，同埋會貼Menu係門口
•部份小食，好似肉碎饅頭、蔥花球、奶脆多係中午繁忙時間唔供應❌
Ig : ricebucket_sis
Post
