豆漿大王

Open Now

Now Closed

我由細到大都好喜歡食粢飯😍貪佢抵食、飽肚、好食、又方便食。食過淘大既分店，粢飯一般。見新蒲崗呢間分店嘅粢飯評分比較高分，就特地過來，試試睇下有冇分別。上菜時，粢飯熱辣辣，新鮮包出黎咁。店員已幫我剪開一半，方便食。粢飯裡嘅肉鬆好新鮮，唔係淋晒，非常好👍🏻榨菜切得好碎，唔會太咸，但唔太食得出榨菜既味道，如果榨菜份量多返啲，會比較好。油炸鬼微熱，但唔脆口。糯米夠實，夠煙韌，唔錯👍🏻大大碗嘅熱豆漿，只係$8，好抵，唔係稀豆漿，比較厚身，豆味都有，又唔甜，唔錯👍🏻兩樣野加埋都係$24！非常之抵食。暫時來講，我食過最好食嘅粢飯都仲係將軍澳寶琳站嘅一間上海餐廳。佢嘅粢飯真係好好食，價錢亦都差唔多。