Video
Read full review
2025-04-08
75 views
今日返完工去咗元朗大馬路附近食嘢，可能係星期六北上消費嘅關係，條街都真係冇乜人。行咗去一間比較多人幫襯嘅日本餐廳，食物質素真係十分唔錯。✨炸物✨叫咗吉列蠔同芝麻雞翼，熱辣辣，脆卜卜，令人忍唔住一啖接一啖😋炸雞軟骨椒鹽味突出，辣辣地好惹味😆✨燒物✨叫咗燒黑豚肉五花腩，油香四溢；魔火雞腎串好爽口，牛舌都幾厚身😬燒日本甜薯有驚喜，表面微焦，外層脆口裏面香甜綿密👍另外叫咗牛油蒜蓉焗蜆同牛油錫紙金菇，蜆一啲沙都無，十分滑溜，調味啱啱好，重牛油香，但係亦唔會太鹹太油膩😋A4 和牛係是日嘅半價產品，油脂豐富，但比起上面嘅菜式相對普通。✨主食✨叫咗一個蕃茄湯底自家製叉燒讚歧手打烏冬，烏冬爽口彈牙，叉燒都好軟腍，蕃茄湯底酸酸甜甜，最欣賞係隻蛋，係流心㗎😎✨刺身／壽司✨生食類總體而言比較普通，比較欣賞嘅係活赤貝刺身，喺香港比較少地方食到✨飲品✨叫咗兩杯特價飲品，一杯乳酸芝士奶蓋同埋鯊魚特飲，飲品好巨型，芝士奶蓋略嫌過甜，鯊魚特飲造型好得意，原來係荔枝梳打加椰果🤣總體而言，喺一間熟食十分出色嘅小店😎
✨炸物✨
叫咗吉列蠔同芝麻雞翼，熱辣辣，脆卜卜，令人忍唔住一啖接一啖😋
炸雞軟骨椒鹽味突出，辣辣地好惹味😆
✨燒物✨
叫咗燒黑豚肉五花腩，油香四溢；魔火雞腎串好爽口，牛舌都幾厚身😬
燒日本甜薯有驚喜，表面微焦，外層脆口裏面香甜綿密👍
另外叫咗牛油蒜蓉焗蜆同牛油錫紙金菇，蜆一啲沙都無，十分滑溜，調味啱啱好，重牛油香，但係亦唔會太鹹太油膩😋
A4 和牛係是日嘅半價產品，油脂豐富，但比起上面嘅菜式相對普通。
✨主食✨
叫咗一個蕃茄湯底自家製叉燒讚歧手打烏冬，烏冬爽口彈牙，叉燒都好軟腍，蕃茄湯底酸酸甜甜，最欣賞係隻蛋，係流心㗎😎
✨刺身／壽司✨
生食類總體而言比較普通，比較欣賞嘅係活赤貝刺身，喺香港比較少地方食到
✨飲品✨
叫咗兩杯特價飲品，一杯乳酸芝士奶蓋同埋鯊魚特飲，飲品好巨型，芝士奶蓋略嫌過甜，鯊魚特飲造型好得意，原來係荔枝梳打加椰果🤣
總體而言，喺一間熟食十分出色嘅小店😎
Post
