Video
Read full review
2025-04-01
319 views
呢間韓式燒肉餐廳最出名熟成牛！服務環境食物質素都Number 1 👍👍👍 呢度嘅燒肉全部都有專人服務幫你燒，唔怕燒得過熟，熟度啱啱好，更突顯牛味！適合特別日子、週年紀念❤️ 服務都一流，店員唔單止有禮貌，仲要服務周到，每次燒肉都會幫我哋換幾次網🩵好推薦叫貊炙牛盛合，有五款部位，每款有兩件，包括: 和牛肋眼上蓋、和牛牛肋肉、極上牛小排、和牛外裙肉、稀少和牛三筋肉，每一款都好好味，好重油香味😍 食燒肉一定要配生菜包，好fresh ，呢個生菜包價錢合理，菜種類又多又夠特別，喺香港好少有，入面仲有少少蒜頭同辣椒，配埋個自家大醬，真係好食！配菜免費任加，啲配菜仲要係整得好有心思，我好鍾意其中一個涼菜: 蝦仁蠔豉伴芽菜，健康又好味！ 另外嚟到呢度一定要食佢嘅熟成牛！叫左個勁重量級嘅水芹菜熟成牛肋骨！從來都未食過熟成牛嘅我覺得味道好特別，有更濃郁嘅牛味，甚至有少少烘烤堅果嘅味道！唔單止好食，仲要好睇！店員喺我哋面前炒香水芹再煎香牛肋骨四面，最後用都將牛肋肉切成一片片，成個感覺好專業好享受！以下是圖中菜式及參考價錢💵・ 貊炙牛盛合 ($480)・ 韓國生菜包配自家大醬 ($38)・ 水芹菜熟成牛肋骨 (
呢間韓式燒肉餐廳最出名熟成牛！服務環境食物質素都Number 1 👍👍👍 呢度嘅燒肉全部都有專人服務幫你燒，唔怕燒得過熟，熟度啱啱好，更突顯牛味！適合特別日子、週年紀念❤️ 服務都一流，店員唔單止有禮貌，仲要服務周到，每次燒肉都會幫我哋換幾次網🩵
好推薦叫貊炙牛盛合，有五款部位，每款有兩件，包括: 和牛肋眼上蓋、和牛牛肋肉、極上牛小排、和牛外裙肉、稀少和牛三筋肉，每一款都好好味，好重油香味😍
食燒肉一定要配生菜包，好fresh ，呢個生菜包價錢合理，菜種類又多又夠特別，喺香港好少有，入面仲有少少蒜頭同辣椒，配埋個自家大醬，真係好食！配菜免費任加，啲配菜仲要係整得好有心思，我好鍾意其中一個涼菜: 蝦仁蠔豉伴芽菜，健康又好味！
另外嚟到呢度一定要食佢嘅熟成牛！叫左個勁重量級嘅水芹菜熟成牛肋骨！從來都未食過熟成牛嘅我覺得味道好特別，有更濃郁嘅牛味，甚至有少少烘烤堅果嘅味道！唔單止好食，仲要好睇！店員喺我哋面前炒香水芹再煎香牛肋骨四面，最後用都將牛肋肉切成一片片，成個感覺好專業好享受！
以下是圖中菜式及參考價錢💵
・ 貊炙牛盛合 ($480)
・ 韓國生菜包配自家大醬 ($38)
・ 水芹菜熟成牛肋骨 ($820)
・ 韓牛生牛肉石鍋飯 ($188)
・ 西柚乳酸梳打 ($50)
・ 青瓜青檸梳打 ($48)
Post
