烤吧31

Open Now

Now Closed

昨日係深水埗和友人晚餐，朋友想食串燒，上open rice 介紹最近係烤吧就入左去。開頭見到八點幾唔係太多人，都驚會有d 伏，但估唔到有驚喜喎。坐低好職員已經好有禮貌咁問我地飲唔飲生啤。串燒，如牛胸爽等（⭐⭐⭐⭐⭐）串燒方面，首先黎到係牛胸爽，食第一啖即講好味喎，一黎香港唔多覺好多串燒鋪有，同埋爽口得黎又有d juicy 感覺，建議必叫。雞軟骨，唔太乾，帶有少少脂肪口感仲好；雞翼外脆內嫩，孜然味香味撲鼻；韭菜同五花肉就相對冇咁出色。豬骨筒 （⭐⭐⭐⭐⭐）好似食豬手咁，有少少脆皮，裡面就滿滿骨膠源。如果唔介意用手揸住黎食係好正，呢樣都係其他串烤鋪唔覺有。燒海鮮（⭐⭐⭐⭐⭐）燒海鮮方面都好有質素，扇貝連金菇蒜蓉新鮮惹味，想清哂d蒜同金菇；白鱔脆皮爽口，肉香，彈牙，充滿魚香；燒蠔係最意想不到的大隻，鮮甜，唔似大陸果d 細細粒鋪滿d 蒜就算，少d蒜更食到蠔既鮮甜，必點。燒蝦有少少辣，但仍覺鮮甜。烤魚（⭐⭐⭐⭐⭐）我地點左江團魚，唔多骨，本身係唔辣嘅，不過可以加辣。少辣得黎仲充滿魚味。啖啖肉魚咀滑，魚腩彈牙，加烏冬土豆做配菜仲正。總括黎講，我覺得服務同食物質素都一流，下次應該會三五知己去食。~~