究極堂 (永光中心)

Open Now

Now Closed

位於炮台山嘅「究極堂」，係一間以日式傳統木質設計嘅餐廳，一踏入門口就感受到嗰股濃厚嘅和風氣息，牆上仲畫咗一幅武士主題嘅壁畫，散發住一種古典又型格嘅氣氛。麵豉湯及沙律麵豉湯熱辣辣，豆味濃郁，簡單而暖胃；沙律就用咗清新脆口嘅生菜配日式和風醬，酸酸甜甜，十分開胃。芝心吉列豬排蛋包飯 配 咖哩汁蛋包飯又香又邪惡！豬排炸到金黃香脆，咬開仲會流出濃郁嘅芝士，豬肉同芝士溶埋一齊，超級滿足！蛋包飯嘅蛋煎得啱啱好，包住微甜嘅炒飯，加埋濃郁咖哩汁，帶少少辛辣，整體味道層次好豐富。究極丼一上枱就已經被嗰個豐富嘅賣相吸引，成碗飯鋪滿新鮮刺身，有海膽、帶子、三文魚、油甘魚、牡丹蝦、三文魚子、吞拿魚蓉同左口魚，簡直刺身控嘅天堂！刺身好新鮮，每款都鮮甜有彈性，特別係海膽，入口即溶，有好濃郁嘅海洋味。飯底用咗壽司飯，酸度啱啱好，仲附送一隻日本醬油蛋，拌飯一流，真係值得專登嚟試。明太子芝士玉子燒用厚厚嘅玉子燒包住芝士，再配上明太子醬，咬落去又滑又香，仲有少少鹹鮮味。日本雞柳配牛油果蓉炸串雞柳炸得好脆，肉質仲保持嫩滑，配合埋牛油果蓉嘅香滑口感，令人回味。