清真惠記

Open Now

Now Closed

今日去左鵝頸橋熟食中心附近睇中醫，順便上去食左間之前有街坊介紹過既餐廳。雖然喺附近番工，但係冇行過過黎呢頭，估唔到一上到黎就見到有幾條龍，主要都係排牛腩麵，素食，同我今日食既清真惠記。今日叫左份掛爐燒鴨肶飯(58蚊)，睇落已經好靚仔，食落有烤鴨既油香，鴨肉重要超嫩。之後加埋啲惹味香辣既咖喱汁，真係好有驚喜。不過因為餐廳喺熟食中心，環境比較一般，而且客人比較多，所以多數要疊枱，介意既人可以叫外賣。呢間我應該都會長期幫襯架啦。另外我見清真惠記個咖喱羊重多人叫，下次一定要試埋佢。