英記茶餐廳

Open Now

Now Closed

又係經過灣仔搵早餐食嘅時候 今次是另一間都係灣仔駱克道街市嘅茶餐廳 雖然都係同一齊嘅熟食中心 但係呢一間感覺範圍比較大啲闊落啲 坐落去睇過餐牌 問過有冇得轉入面啲嘢佢話冇 因為想食雪菜肉絲米同埋多士 咁佢 啲餐係固定冇得轉我唯有分開嗌 雖然貴少少 總共食咗五十幾蚊 不過一個雪菜肉絲米有兩隻蛋 配凍奶茶 另加一份奶油多 價錢都ok 首先多士嚟到 用厚多士做嘅 麵包鬆軟 奶油足料 多士上手仲係熱嘅 好食 跟住杯凍奶茶 畀起好飲嘅茶餐廳係爭少少 但係整體係合格以上 應該係啲奶冇咁香嘅問題 但係絕對唔會扣分 跟住嚟到煮食雪菜肉絲米同兩隻熟蛋 份量十足 首先兩隻熟蛋 蛋新鮮又香 好食 跟住雪菜肉絲米 雪菜新鮮 肉絲有少少肉片嘅感覺 有咬口 都係好食 整體嚟講 雖然嗰啲餐冇得轉有啲唔夠靈活 但全部嘢都好食 係絕對需要再幫襯嘅餐廳 比起嗰啲連鎖大舖 完全係遠遠超越