滿樂潮州 (東薈城名店倉)

Open Now

Now Closed

自從屯赤公道開左之後入東涌真係好方便，今日入黎探朋友都唔駛轉咁多程車。探完朋友之後就去左東薈城搵野食。因為太耐冇食打冷野所以就簡左呢間滿樂潮州，滷水拼盤係必點架啦，包左有鵝肉丶豬腩肉丶墨魚片丶滷蛋同豆腐，拼盤面頭放左鵝片, 肉質入口都幾腍同多肉汁, 鵝皮算可以，如果可以去埋骨就更好，墨魚幾煙韌，但就品唔係太夠味，豬腩肉就中規中矩，滷蛋同豆腐就最入味最好食。黃花魚呢碗方魚粥湯米分明，肉碎份量好多。鮑汁炆鳳炆得夠入味，份量都多。最後食埋個鴛鴦水晶包就飽晒。