嗌左：
佛跳墙灌湯餃
淨係睇個賣相都覺得非常矜貴！重點係非常足料！肉眼可見有齊鮑魚、魚翅！個湯真係好鮮甜好好味～
花雕醉蟹 $89（第二隻瘋狂價$69！）
而家係食大閘蟹嘅最佳時節！花雕醉蟹就更加正啦，啲蟹肉滲透住酒香，真係非常之鮮甜，而且爆曬膏咁樣識食一定要叫兩隻！
潮汕滷水炸乳鴿
賣相真係一流！外皮炸到非常之金黃香脆，肉質鮮嫩非常Juicy，同傳統嘅乳鴿有啲唔同，佢有啲滷水醬汁～👍🏻擁有多重口感！
潮汕炸蠔餅
食潮汕嘢又點可以唔食蠔餅？呢個炸到金黃香脆，脆卜卜，食到每一隻蠔仔都係脹卜卜，肥嘟嘟！而且一啲油膩感都冇，入口好清爽必食！
鮮荔枝球
真係一定要相機食先，點解可以做到咁逼真？外型真係似足一粒荔枝！外皮炸到脆卜卜，入面就蝦粒同埋芝士，入口幾特別！
鳳梨雀仔
造型好可愛😍重點係非常之IGable !俾咗足足成個鳥籠你打卡，入邊有三隻可愛嘅麻雀鳳梨酥，呢個鳳梨酥味道好好！非常之綿密嘅鳳梨餡！
金魚戲水
老公點名叫嘅一款，造型真係好精緻！蝦餃竟然可以係金魚咁嘅樣，放喺啲湯入面，十足游緊水嘅金魚，皮薄餡靚，啲蝦非常之彈牙！值得推介嘅一款！
手打老鹽話梅檸檬綠茶
多肉荔枝鴨屎香烏龍
配埋個茶壺仔，竟然有煙霧效果😆好正～兩款飲品都唔錯！非常之清新！個人比較鍾意話梅檸檬綠茶，因為感覺比較特別啲～而且話梅味道都幾出！
