蓮香樓

坐低就叫咗個清湯牛腩‌，個煲一上枱就知冇揀錯，湯底清澈見底，但飲落濃得黎帶有清香、飲完成個喉嚨暖笠笠。重點係啲牛腩，筋位半透明似啫喱，瘦肉部分炆到『鬆』得嚟唔散，一啖咬落去先脆後軟。接住”桂花燒鱔“上台，未食已經聞到好香！條鱔皮燒到『啵啵聲』，面頭掃滿桂花蜜，金黃焦脆好似琥珀咁。一筷子夾落去，外皮『咔嚓』裂開，裡面肉質彈牙仲有汁，食落先脆後糯，尾韻仲有陣陣甘香。仲有壓軸‌燒味拼盤（燒鵝、叉燒、燒肉）‌上枱，燒鵝皮脆到反光，咬落『嗦』一聲爆油，脂肪溶入口腔同梅子醬好夾；叉燒唔係死甜嗰種，邊位焦糖化到黐住層玻璃脆，蜜味滲入半肥瘦紋路，最驚喜係燒肉，皮脆五層肥瘦，班朋友食到唔停口，好有層次。其他菜色都非常出色，滿意推介。