順興茶檔

Open Now

Now Closed

剛巧遇到新年收爐前最後一日，所以好多餸賣哂就無。無叉燒、雞翼，後尾食食下連蝦都無埋😂條龍雖然長，但排隊排咗10分鐘就有位了。因為無叉燒，所以叫咗滑蛋蝦仁飯➕滑蛋牛肉飯。值得一提的是呢到凍檸茶只可以少甜，無得走甜。凍奶茶就算叫少甜都係偏甜，但茶底濃，幾出色幾好飲。欣賞佢豉油用個兜裝住，豉油裏面有啲蔥花，令到啲豉油更加香。滑蛋牛肉飯滑蛋真係好出色，表面仲有少少蛋汁，牛肉唔會太韌，正常發揮。8隻蝦仁整齊排列😂個人更加鍾意滑蛋蝦仁飯，粒粒蝦仁非常彈牙，而且好大隻，只要有滑蛋，成件事好好送飯。收爐了，想試埋個菠蘿油都冇得食。