Video
Read full review
2023-04-06
303 views
有日收工超肚餓想搵間茶記快快醫飽肚仔，估唔到咁都俾我誤打誤撞入左間有巴斯克蛋糕食嘅茶餐廳🤪Menu:1️⃣ 韮菜餃子（$25）如果鍾意食香口野，一定要黎堂食試吓佢哋嘅煎餃😍 從來無食過咬開之後脆卜卜嘅餃子皮之後有咁～多肉汁嘅餃子，食嘅時候仲差啲俾爆出黎嘅肉汁焫親嘴仔🥟🫢餡料多菜少肉，好健康，而且味道已經調校得好好，我覺得唔使額外加醬油或者醋，餃子本身都已經好夠味☺️2️⃣ 醬爆肉麵（$36）可以見到呢碗麵上鋪滿住海量醃好咗嘅豬肉，材料豐富呢方面真係唔講得笑🤣 經過我嘅實測，即使食每一啖麵都加一片豬肉，食到最底個陣豬肉都係未被我食晒🤪 呢間嘅麵底並唔係一般茶記所用嘅公仔麵或福字麵，而係上海麵，麵質特～別彈牙👨🏻🍳3️⃣ 巴斯克Cheese Cake（$25）其實件蛋糕只係細細嘅一件，幾的骰，所以就算食咗成碗麵做正餐，叫埋呢款甜品都唔成問題😎 除左有香濃、綿密嘅蛋糕口感，最頂略為焦黑嘅一層更有濃厚嘅芝士味😳 雖然唔似其他餐廳會添加一層焦糖，但入口都唔會特別苦澀😌4️⃣ 鮮榨檸檬水（$15）一啲都唔酸嘅檸檬水你飲過未？本身仲懷疑緊呢一杯檸水有咩咁特別？ 點解剩係得凍飲？🤔 你可以見到杯飲品完全無一片完整嘅檸
Menu:
1️⃣ 韮菜餃子（$25）
如果鍾意食香口野，一定要黎堂食試吓佢哋嘅煎餃😍 從來無食過咬開之後脆卜卜嘅餃子皮之後有咁～多肉汁嘅餃子，食嘅時候仲差啲俾爆出黎嘅肉汁焫親嘴仔🥟🫢
餡料多菜少肉，好健康，而且味道已經調校得好好，我覺得唔使額外加醬油或者醋，餃子本身都已經好夠味☺️
2️⃣ 醬爆肉麵（$36）
可以見到呢碗麵上鋪滿住海量醃好咗嘅豬肉，材料豐富呢方面真係唔講得笑🤣 經過我嘅實測，即使食每一啖麵都加一片豬肉，食到最底個陣豬肉都係未被我食晒🤪
呢間嘅麵底並唔係一般茶記所用嘅公仔麵或福字麵，而係上海麵，麵質特～別彈牙👨🏻🍳
3️⃣ 巴斯克Cheese Cake（$25）
其實件蛋糕只係細細嘅一件，幾的骰，所以就算食咗成碗麵做正餐，叫埋呢款甜品都唔成問題😎
除左有香濃、綿密嘅蛋糕口感，最頂略為焦黑嘅一層更有濃厚嘅芝士味😳 雖然唔似其他餐廳會添加一層焦糖，但入口都唔會特別苦澀😌
4️⃣ 鮮榨檸檬水（$15）
一啲都唔酸嘅檸檬水你飲過未？本身仲懷疑緊呢一杯檸水有咩咁特別？ 點解剩係得凍飲？🤔 你可以見到杯飲品完全無一片完整嘅檸檬，而係將檸檬嘅精華加咗入去，飲落唔苦、唔會太酸，更帶點微甜嘅味道 🍋
Post
