素年 (汝州街)

Open Now

Now Closed

前排見好多人介紹呢間素食餐廳，今次終於去咗試呢間素年既dinner，果然名不虛傳。我同朋友兩個人去食，一入去環境好舒服，木枱同簡約風嘅設計俾人一種輕鬆同文青嘅感覺，地方寬敞，啱晒朋友聚會或者同另一半約會👩‍❤️‍👨我哋叫咗「素年經典不可能芝士漢堡配薯條」，漢堡係素肉餅，食落真係好似真肉咁，咬落去多汁又香，芝士溶得啱啱好，配上新鮮 滿滿嘅生菜同番茄，感覺juicy又refresh！薯條炸得金黃香脆，點埋少少茄汁，健康得黎又好味🍔🍟 另外我哋仲點咗「日式三文魚漬擔擔醬撈菠菜蒟蒻麵定食」，三文魚口感十足，食落真係好似真既三文魚😜擔擔醬濃郁微辣，用黎撈菠菜蒟蒻麵好健康，麵條爽口🐟🍜甜品就試咗「香蕉蛋糕配焦糖香蕉」，蛋糕好軟綿，香蕉味濃郁，食落去外脆內軟！🍌🍰 最後我哋飲咗杯「朱古力咖啡」，朱古力同咖啡嘅味道好平衡，唔會太甜，飲落去好舒服，係完美嘅結尾☕🍫服務方面，店員態度好親切，點餐時仲會好有耐性咁介紹菜式😊 整體黎講，呢餐食得好開心，菜式新鮮、味道正，份量夠我哋兩個食到飽👍 下次有機會一定會再黎試其他菜，推介俾鍾意健康同創意菜嘅朋友💖