Video
Read full review
2025-05-13
8 views
見Openrice 訂座有單點菜單85折，就黎試下呢間成日經過都無食過嘅餐廳。 入座/訂座： 平日中午十二點仲訂到十二點九。 唔洗等，到食完一點幾，成間店都唔多人。環境：寬敞都明亮，空間感都好足夠。係食得ok舒服嘅。 食物： 有午市套餐，包埋野飲，但就無左單點85折。 結果叫左份午市豬手飯，$76。 佢味道其實同係泰國商場food court食到嘅一模一樣（連埋果碟都還原），唔差嘅。不過真係同泰國人食嘅份量一樣， 你明點解好多泰國人都瘦啦。 但佢收緊香港價錢，我就覺得有啲唔抵。 仲單點叫多份香蕉煎餅，$78。 點講呢，佢收我$48我都會接受嘅，但咁嘅size 去到7字頭就真係too much。咁所以佢單點85折合理嘅，減完$67。 見仁見智，我覺得都係唔抵。 （依家睇番，朵花都佔左四分一）係，食落就可能係用嘅油味道，佢似薄撐多啲。 無左甜品嘅感覺。 總結：我明係呢個地段可能租金貴嘅，但就變相壓番哂落消費者到。你話佢精緻少少俾人打卡都好，但環境同食物又唔係靚到值得影。你話佢還原傳統local泰菜，但份量同價錢又做唔到喎。變相我平可以食比佢CP值高嘅泰餐。 我貴可以食比佢更精緻嘅泰菜。 佢
入座/訂座： 平日中午十二點仲訂到十二點九。 唔洗等，到食完一點幾，成間店都唔多人。
環境：寬敞都明亮，空間感都好足夠。係食得ok舒服嘅。
食物：
有午市套餐，包埋野飲，但就無左單點85折。
結果叫左份午市豬手飯，$76。 佢味道其實同係泰國商場food court食到嘅一模一樣（連埋果碟都還原），唔差嘅。
不過真係同泰國人食嘅份量一樣， 你明點解好多泰國人都瘦啦。
但佢收緊香港價錢，我就覺得有啲唔抵。
仲單點叫多份香蕉煎餅，$78。 點講呢，佢收我$48我都會接受嘅，但咁嘅size 去到7字頭就真係too much。
咁所以佢單點85折合理嘅，減完$67。 見仁見智，我覺得都係唔抵。 （依家睇番，朵花都佔左四分一）
係，食落就可能係用嘅油味道，佢似薄撐多啲。 無左甜品嘅感覺。
總結：我明係呢個地段可能租金貴嘅，但就變相壓番哂落消費者到。
你話佢精緻少少俾人打卡都好，但環境同食物又唔係靚到值得影。
你話佢還原傳統local泰菜，但份量同價錢又做唔到喎。
變相我平可以食比佢CP值高嘅泰餐。
我貴可以食比佢更精緻嘅泰菜。
佢依家定位有啲卡係一半，可惜左佢地份熱情招待。
Post
