Odelice! (The ONE)

呢間法國西餐廳位於THE ONE，行平民路線，運用傳統法國食譜打造出亞洲風味嘅家庭式法國料理。裝潢優雅，令人感覺置身於巴黎大街。前菜有餐湯、麵包、點心拼盤，包含炸蟹肉球、煙三文魚、迷你蛋批、香草芝士塔同雅枝竹蘸醬，賣相精緻，一口一件，十分開胃。另有烤牛骨髓，味香，搭配酸種麵包更滋味。主食有龍蝦馬賽魚鍋，半隻龍蝦配上黑青口、茴香酒燒大蝦、盲鰽魚、薯粒，用海鮮番茄醬汁調味而成，海鮮肉質鮮甜彈牙，薯仔帶微微焦香氣，醬汁酸甜，足以撈。澳洲和牛牛脊肉同樣值得一試，建議點五成熟，外層煎至微微脆，咬落嫩，啖啖肉，唔乾柴，同鴨肝白蘭地醬汁都幾夾，旁邊仲有迷你甘筍同薯蓉可增添飽腹感。