點心到 (鴻星大廈)

Open Now

Now Closed

同屋企人去油麻地飲茶，呢間點心店點心水準唔錯，價錢超親民。 黑金流沙包 ($28)一撕開個包，鹹蛋黃流沙流出嚟，外皮鬆軟，流沙餡唔會太甜，熱辣辣食真係超正。 籠仔金銀蒜海蝦飯 ($48)蒸飯吸晒蒜香同蝦嘅鮮味，蝦肉爽口彈牙，金銀蒜炸到金黃色，撈埋飯一齊食好香。 晶瑩鮮蝦餃 ($17)皮薄得嚟唔易穿，入面成隻大蝦，爽口鮮甜。原隻蝦燒賣 ($32)燒賣頂有原隻蝦，豬肉餡紮實唔會太肥，咬落去仲有肉汁。 蜆蚧鯪魚球 ($28)鯪魚球炸到外脆內軟，點埋蜆蚧醬鹹香十足。鮮竹牛肉球 ($25)牛肉球夠晒大粒，口感鬆軟唔會韌，鮮竹吸晒肉汁好味。「點心到」嘅點心即叫即蒸，質素唔錯平靚正之選。