一鍋堂 (XX Arcade) (Closed)

食左甘多年都無跌wok相信其中一間係一鍋堂, 是日又去刷過🥰~ 想食多D牛肉所以揀左C餐食晒所有款有超過15款湯底選擇，不過潮汕鍋真係食過翻尋味，真係比足料，見到全條大大條大地魚骨，湯底超鮮甜🐟🐟🐟牛肉款式佢地真係好多，精選進口牛板腱，澳洲和牛﹑美國安格斯牛肉﹑封門柳﹑牛利心托﹑魔鬼辣安格斯牛肉等等🐮鍾意食辣既朋友推薦魔鬼辣安格斯牛肉，醃左既牛肉會更辣好過癮另外隊長B亦特別中意花雕醉牛肉，嫩滑得黎又夠牛味而隊員W就中意封門柳，貪佢快熟又夠肉香，配合埋個湯底正呀～中意食丸丸既手打３寶丸同100%濃汁瀨尿牛丸都係ｍｕｓｔ　ｔｒｙ！前者細細粒容易食，試晒３隻味，後者非常彈牙，咬落去會爆汁，有少少牛臊味，中意食牛者肯定會中意佢～😽仲有好多特別野食例如手工麻辣豬肉餃、梅菜豬肉餃﹑野生竹笙、日本紅心籮蔔等等紅心籮蔔係食完又食，因為好爽脆清甜，出面又少見，仲有竹笙吸晒D湯底精華，無得輸啦~🤤除左火鍋料，出面自助區仲有好幾款小食，可以自己任拎，當中當然唔少得雪糕甜品；凍蝦以為平平無奇，但原來肉質爽彈，好新鮮，呢樣都抵讚！